Loading…

Qeveria Kurti mund të bëhet ‘mollë sherri’ për shtrenjtimin e mëtutjeshëm të faturave të rrymës

  • 09/08/2022 | 20:00

Qeveria Kurti mund të bëhet ‘mollë sherri’ për shtrenjtimin e mëtutjeshëm të faturave të rrymës

KESCO ka aplikuar në Zyrën e Rregullatorit për Energji (ZRRE) për shqyrtim të jashtëzakonshëm të të hyrave të lejuara maksimale, ka njoftuar ZRRE-ja të martën. Këtë kërkesë, nga KESCO e kanë arsyetuar si mbulim të mungesës së subvencionimit prej 90-milionë eurove nga Qeveria.


Në aplikacionin e ndarë nga ZRRE-ja, KESCO ka thënë se kostot nuk po mbulohen përmes tarifave dhe subvencionit të zotuar nga Qeveria.

“Sipas FSHU-së, vlera e subvencionit për periudhën 9 shkurt – 30 qershor 2022 ka tejkaluar shumën prej 32.8 milion euro. Vetëm mungesa e mos-disbursimit të subvencionit tejkalon pragun e materialitetit prej 5% ashtu siç parashihet në nenin 11 të Rregullës për të Hyrat e FSHU-së. Rregullatori në propozimin përfundimtar për tarifat e energjisë elektrike me pakicë kishte marrë parasysh alokimin e subvencionit shtesë prej 10 milion euro sipas vendimit të Qeverisë së Republikës së Kosovës Nr. 05/55 të datës 21.01.2022, si dhe vendimin Nr. 01/60 të datës 05.02.2022, për subvencionimin e energjisë në vlerë prej 90 milion euro”, thuhet në njoftim të ZRRE-së.

Përpara gjashtë muajsh, Qeveria e Kosovës u pati zotuar për ndarjen e 90-milionë eurove, për zbutjen e çmimit të tarifave të energjisë elektrike.

Për shtrejntim të energjisë elektrike në rast të mos-subvencionimit nga ana e Qeverisë patën paralajmëruar edhe nga ana e ZRRE-së.

Qeveria së fundmi është kritikuar nga opozita lidhur me çështjen e menaxhimit të energjisë elektrike. LDK në një konferencë për media të ftuar javën e kaluar ka kërkuar që, mes tjerash, qeveria ta bëjë remontin e të gjitha blloqeve të KEK-ut, si dhe ta largojë TVSH-në në fatura.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë