Loading…

Putin ka një kërkesë të rëndësishme për europianët

  • 04/06/2021 | 19:24

Putin ka një kërkesë të rëndësishme për europianët

Presidenti i Rusisë, Vladimir Putin, iu bëri thirrje të premten vendeve evropiane që kur të blejnë gazin rus të paguajnë në euro dhe jo dollarë amerikan.


“Euro është plotësisht e pranueshme për ne për sa i takon pagesave të gazit”, tha Putin në Forumin Ekonomik Ndërkombëtar në Shën Petersburg.

Komentet e udhëheqësit rus bëhen një ditë pasi Ministria e Ekonomisë në Rusi njoftoi se po e largon dollarin nga Fondi i Pasurisë së saj Kombëtare dhe po e zëvendëson me monedha tjera.

Nga data 20 maj pjesa e dollarit në fond ishte ulur në zero për qind nga 35 sa ka qenë.

Ministri i Financave, Anton Siluanov, tha se euro do të përbëjë 40 për qind të fondit, 30 për qind juani i Kinës dhe 20 për qind ari.

Me nga 5 për qind do të bëjnë pjesë monedha britanike dhe ajo japoneze.

Biden: Do t’i them Putinit se nuk lejojmë shkeljen e të drejtave të njeriut
Ekspertët thonë se vendimi i fundit rus mund të jetë një sinjal për Shtetet e Bashkuara para takimit të Putinit me presidentin amerikan, Donald Trump më 16 qershor në Gjenevë të Zvicrës.

Takimi i paralajmëruar në Gjenevë pritet të mbahet në një periudhë të mosmarrëveshjeve të thella mes dy vendeve që përfshijnë të drejtat e njeriut, ndërhyrjen ruse në zgjedhjet amerikane si dhe situatën në Ukrainë dhe Bjellorusi.

Moska ka ulur rezervat e saj në dollarë që kur Perëndimi vendosi sanksione pas aneksimit të Krimesë në 2014./REL

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë