Loading…
Protestohet kundër vizitës së Putinit në Serbi: Do të na rrënojë edhe më tepër shtetin
  • 17/01/2019 | 11:32

Protestohet kundër vizitës së Putinit në Serbi: Do të na rrënojë edhe më tepër shtetin

Disa organizata të ndryshme joqeveritare dhe qytetarë kanë bërë thirrje për protesta kundër vizitës së Vladimir Putinit në Serbi.


Ata kanë thënë se kjo protestë është kundër ‘glorifikimit që po i bëhet regjimit autoritar të Putinit në Serbi’.

Këto organizata dhe shumë qytetarë thonë se kjo vizitë e Putinit dhe lavdet që po i bëhen nga mediat nxisin edhe më tepër rënien dhe dëmtimin e institucioneve demokratike, të drejtave dhe lirive të qytetarëve në Serbi.

Këto organizata i kanë kujtuar Putinit se në Rusi që nga viti 1992 deri në vitin 2019 janë vrarë 58 gazetarë, gjë që jep një alarm për perspektivën e medias në Serbi nëse e ndjek modelin e Rusisë së Putinit.

Gjithashtu këto OJQ kanë folur për financimet që Putini i bënë nëpër mediat e ndryshme në Serbi dhe nëpër organizata joqeveritare.

Sipas tyre kjo vizitë e Putinit nënkupton braktisje të rrugës së integrimit Euro-Atlantik të Serbisë.

“Edhe përkundër faktit se ekzekutivi serb e mohon, kjo vizitë do të thotë braktisje e reformave dhe i integrimit Euro-Atlantik”, thuhet ndër të tjera nga këto OJQ, shkruan televizioni N1, transmeton Express.

Për këtë vizitë ndërkohë shteti serb dje ka bërë përgatitjet e fundit. Janë angazhuar gjithësejtë 5000 forca policore për sigurinë e Puitinit, ndërkohë shumë qytete janë urdhëruar nga Vuçiqi që të dërgojnë një numër të caktuar të qytetarëve në Beograd për ta bërë edhe më madhështore pritjen.

Shumë rrugë qendrore dhe sheshe kryesore janë bllokuar, pasi që pritet që rreth 70 mijë persona të marrin pjesë në këtë pritje.

Në këtë vizitë ndër të tjera pritet që Putin e Vuçiq të diskutojnë edhe për çështjen e Republikës së Kosovës.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë