Loading…

Prokuroria Speciale jep detaje rreth arrestimit të kryetarit të LDK-së në Drenas, Bedri Nika

  • 27/05/2021 | 21:51

Prokuroria Speciale jep detaje rreth arrestimit të kryetarit të LDK-së në Drenas, Bedri Nika

Kryetari i Degës së Lidhjes Demokratike të Kosovës në Drenas, Bedri Nika, është në mesin e tre të arrestuarve si i dyshuar për pastrim të parave.


Ai u arrestua sot në një aksion të udhëhequr nga Prokuroria Speciale e Kosovës.

Prokuroria Speciale njoftoi se Bedri Nika, është ndaluar për 48 orë, ndërkaq të arrestuarit e tjerë me inicialet E.N dhe A.N, janë liruar në procedurë të rregullt.

Në njoftimin e Prokurorisë Speciale të Kosovës, thuhet se prokurori i rastit do të bëjë kërkesë për caktimin e paraburgimit ndaj ish-kandidatit të LDK-së për kryetar të komunës në Drenas.

“Prokuroria Speciale e Republikës së Kosovës (PSRK), në koordinim me Policinë e Kosovës, Drejtoria për Hetimin e Krimeve Ekonomike dhe Korrupsionit, ka arrestuar tre të dyshuar me inicialet B.N., A.N dhe E.N”.

“Prokuroria Speciale njofton se i pandehuri B.N., është arrestuar nën dyshimin se ka kryer veprat penale “Pastrim i parasë” “Blerja, pranimi ose fshehja e sendeve të përfituara me kryerjen e veprës penale”.

“Ndërkaq, të dyshuarit me inicialet A.N dhe E.N., dyshohen se në bashkëveprim kanë vënë në qarkullim bankënota me ngjyrë kimike, të cilat dyshohet se janë përfituar në mënyrë të kundërligjshme, janë vënë në qarkullim duke i deponuar si dhe duke i tërhequr pastaj në bankomate”.

“Gjatë urdhër kontrollit në shtëpinë dhe objektet përcjellëse janë sekuestruar gjësende të cilat do të përdoren si provë në procedurë. I dyshuari me inicialet B.N. është ndaluar për 48 orë, kurse dy të dyshuarit me inicialet A.N dhe E.N, janë liruar në procedurë të rregullt. Po ashtu, Prokurori i rastit do të bëjë kërkesë për caktimin e paraburgimit ndaj të dyshuarit me inicialet B.N”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë