Loading…

Prokuroria ngrit aktakuzë kundër vëllait të deputetit të VV-së 

  • 16/04/2019 | 16:43

Prokuroria ngrit aktakuzë kundër vëllait të deputetit të VV-së 

Prokuroria Themelore në Prishtinë ka ngritur aktakuzë për sulm të zyrtarit policor ndaj Ramadan Selimit, vëllait të deputetit të Lëvizjes Vetëvendosje, Rexhep Selimi, transmeton Gazeta Metro.


Në një përgjigje për Insajderin, Prokuroria ka konfirmuar se aktakuza ndaj Ramadan Selimit për “sulm ndaj personit zyrtar” është ngritur më 10 tetor të vitit të kaluar.

“Më 15.03.2018, prokurori i çështjes ka marr aktvendim për fillimin e hetimeve, kurse me 10.09.2018, ka ngritur aktakuzë kundër të pandehurit të cekur më lartë, në drejtim të veprës penale ‘Sulmi ndaj personit zyrtar’ nga neni 410, par. 2 lidhur me par. 1 dhe neni 31 të Kodit Penal të Republikës së Kosovës. Prokurori i çështjes, në aktakuzë i ka propozuar Gjykatës Themelore të Prishtinës, që i pandehuri R.S., të dënohet sipas ligjit për veprën penale e cila i vihet në barrë”, ka njoftuar Prokuroria.

Më 2 mars të vitit të kaluar, vëllai i deputetit Selimi ishte shoqëruar në stacionin policor në Prishtinë nën dyshimin për sulm ndaj zyrtarit policor.

Siç kishin raportuar mediet, ngjarja kishte ndodhur derisa policia e kishte ndalur veturën të cilën po e ngiste Ramadan Selimi për kundërvajtje në trafik.

Dyshohet se Selimi nuk i kishte përfillur urdhrat e policit dhe e kishte sulmuar atë fizikisht. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë