Loading…

Projekti 13 milionësh i Qeverisë nuk përfund as këtë vit

  • 14/11/2018 | 08:05

Projekti 13 milionësh i Qeverisë nuk përfund as këtë vit

Kryetari i Skenderajt, Bekim Jashari, ka mbajtur një takim me pronarë të tokave përgjatë të cilave realizohet projekti i zgjerimit të rrugës Klinë e Epërme – Polluzhë, por vetëm disa nga ata kanë nënshkruar marrëveshjen me anë të së cilës pronarët janë pajtuar që të mos pengojnë vazhdimin e punëve.

Për ata që nënshkruan marrëveshjen Komuna ka garantuar kompensim, ndërsa të tjerët kanë kërkuar që paraprakisht të bëhet kompensimi e pastaj të vazhdojë realizimi i projektit, shkruan sot Gazeta “Zëri”.

Edhe gati pas një viti prejse ka marrë timonin e Komunës së Skenderajt kryetari Bekim Jashari nuk ka arritur t’i bindë t’i gjithë pronarët e pronave përgjatë të cilave është duke u realizuar projekti i zgjerimit të rrugës Klinë e Epërme – Polluzhë që të mos pengojnë realizimin e projektit, ndonëse që në fillim të mandatit Ministria e Infrastrukturës së Republikës së Kosovës kishte ndarë edhe 13 milionë euro të tjera për ta përfunduar komplet projektin nga Klina e Epërme e Skenderajt deri në Komaran të Drenasit.

Nga Polluzha e deri në Klinë të Epërme janë të paktën 5 shtëpi, të cilat duhet larguar (rrënuar), por edhe në disa pjesë të tjera, për shkak të problemeve me shpronësimin disa pjesë të rrugës kanë mbetur pa një shirit të asfaltit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë