‘Proces i padrejtë’: Molliqaj pjesëmarrës në marshin për krerët e UÇK’së
-
27/03/2023 | 19:25
Kryetari i Partisë Socialdemokrate (PSD), Dardan Molliqaj, ka bërë të ditur se do të jetë pjesë e marshimit ‘Marshojmë për Drejtësi’ që organizohet më 2 prill në ora 14:00 në Prishtinë, transmeton Gazeta Metro.
Përmes një postimi në Facebook, Molliqaj ka thënë se UÇK’ja nuk mund të gjykohet dhe procesi gjyqësor ndaj krerëve të saj është i padrejtë pavarësisht verdiktit.
”Fillimi i “Procesit” të Hagës nuk duhet të kalojë si një lajm i rëndomtë protokollar. Për neve që besojmë se UÇK-ja nuk mund të gjykohet, ky është një proces i padrejtë pavarësisht verdiktit.”
”UÇK është përpjekja-dëshmi. Marshojmë më 2 prill, si qytetarë të lirë, kundër qasjeve anakronike që gjykojnë përpjekjen për liri. Më 2 prill “Marshojmë për drejtësi”, në mbështetje të UÇK-së, në solidaritet me njerëzit që i kemi nën akuzë,” ka shkruar ai.
Marshimi i 2 prillit është organizuar nga platforma ‘Liria ka Emër’ një ditë para nisjes së procesit gjyqësore ndaj krerëve të UÇK’së në Hagë. /gazetametro.net
Përleshje mes shqiptarëve dhe serbëve në Austri, thuhet se ka pasur edhe të shtëna armësh
-
30/05/2023 | 10:10
