Loading…

Problemi i parë i koalicioneve, numri i vëzhguesve në vendvotime

  • 01/06/2017 | 20:18

Problemi i parë i koalicioneve, numri i vëzhguesve në vendvotime

Mbi 5 mijë vëzhgues certifikoi PDK-ja në zgjedhjet e kaluara, po aq ka në plan të certifikojë edhe në zgjedhjet e 11 qershorit, ani pse është certifikuar si një subjekt i vetëm me 13 parti të tjera.


Por në një vendvotim, sado i madh që të jetë koalicioni, nuk mund të ketë më shumë sesa dy vëzhgues, por 4 do të mund t’i ketë në një qendër numërimi.

Betim Gjoshi, anëtar i KQZ-së nga PDK-ja, thotë se koalicioni që lidhi partia e tij do t’ia dalë të menaxhojë situatën me vëzhgues, pavarësisht numrit të vogël që do të ketë në një vendvotim, raporton KTV.

Por, në anën tjetër, deklarohet se PDK-ja nuk do ta zbresë numrin e vëzhguesve që pati në zgjedhjet e kaluara.

Në anën tjetër, Komisioni Qendror Zgjedhor është i bindur se nuk do të shkelen dispozitat ligjore të ligjit të zgjedhjeve në këtë aspekt.

Drejtoresha e Zyrës së Partive Politike në KQZ, Miradije Mavriqi, thotë se pavarësisht tendencave dhe numrit të madh të partive brenda një koalicioni, ata e njohin atë vetëm si një subjekt të vetëm politik.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë