Prishtinë: Arrestohen dy femra një burrë për detyrim me prostitucion dhe armëmbajtje pa leje

Policia e Kosovës, ka njoftuar se janë arrestuar dy femra dhe një mashkull nën dyshimin se ata kanë kryer veprën penale mundësim/detyrim me prostitucion dhe armëmbajtje pa leje, shkruan Gazeta Metro.

Në njoftimin e PK’së shtohet edhe se, si provat materiale janë sekuestruar tre telefona, 80 euro, një pistoletë dhe 4 copë fishekë.

Dy nga të dyshuarit janë dërguar në mbajtje, ndërsa një tjetër është liruar.

‘‘MUNDËSIM / DETYRIM ME PROSTUTICION & ARMEMBAJTJE PA LEJE -Rr. Muharrem Fejza, Prishtinë 29.03.2023-18:00. Janë  arrestuar tre të dyshuar, një mashkull dhe dy femra kosovare nën dyshimin se të njëjtit në bashkëveprim/bashkëkryerje  kanë kryer veprat penale të lartcekura duke ofruar edhe lokale për kryerje të veprave.  Si prova materiale janë sekuestruar: tre telefona,  80€ para, një pistoletë  me 4 copë fishekë. Lidhur me rastin të dyshuarit janë intervistuar he me vendim të prokurorit dy prej tyre janë dërguar në mbajtje ndërsa i dyshuara tjetër është liruar’’, thuhet në raportin e PK’së. /gazetametro.net