Loading…

Prishtina do të marrë pamje madhështore: Rrugë me 8 korsi (Video)

  • Nga

  • 18/04/2017 | 12:39

Prishtina do të marrë pamje madhështore: Rrugë me 8 korsi (Video)

Kryeministri Isa Mustafa bashkë me ministrin e Infrastrukturës Lutfi Zharku, kanë bërë përurimin e nisjes së zgjerimit të rrugës në Veterrnik, e cila do të jetë rruga e parë në Kosovë me 4 korsi në një drejtim, pra 8 korsi në të dy drejtimet.


Kryeministri Mustafa, ka thënë se pamja e kryeqytetit do të jetë madhështore me këtë projekt, ku rruga do të ketë katër korsi, si dhe do të jetë rruga për këmbësorë dhe biçiklistë, raporton gazetametro.net.

18009303_1662639540709990_680115164_n

“Më vjen mirë që po hapet hyrja në Prishtinë dhe këtë e konsiderojmë si investim për kryeqytetin. Do të jetë madhështore sepse do të kemi rrugën me katër korsi, pjesën për këmbësorë dhe biçiklistë. Kjo shënon edhe fillimin e unazës nëpër Prishtinë ashtu siç ka qenë e paraparë me projekt”, u shpreh Mustafa.

a

Projekti është paraparë të realizohet me 2 llote. Lloti 1 do të jetë drejtimi Prishtinë – Veternik, krahu i majtë i rrugës, i cili sipas kontratës parashihet të përfundojë brenda 150 ditësh pune, me një gjatësi prej 1.5 kilometrash dhe me kosto prej 1,589,674.34 eurosh, ndërsa lloti 2 është drejtimi Prishtinë – Veternik, krahu i djathtë i rrugës, me një gjatësi prej 1.5 kilometrash dhe me kosto prej 1,374,516.70 eurosh.

Punimet e llotit 2, sipas kontratës, parashihet të përfundojnë brenda 110 ditësh pune./gazetametro.net


Prishtina do të marrë pamje madhështore: Rrugë… by gazetametro

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë