Princesha Zogu nderohet në Paris (Foto)

Në edicionin e 40-të të “Best Award Gala: 40th Edition” në Paris,ishte e pranishme edhe princesha Elia Zaharia Zogu e cila ka marrë çmimin “Best”.

Princesha Zaharia Zogu është e dyta nga shqipëtarët që merr këtë çmim, ngase para saj ishte Nëna Terezë, që u nderua.

Princesha Elia Zaharia Zogu ka njoftur përmes facebook-ut për këtë nder që i është bërë asaj në kryeqytetin francez.

“Duke marrë çmimin “Best” në edicionin e 40 të “Best Awards” në Paris. Personaliteti i parë shqiptar që ka marrë këtë çmim ka qënë Nënë Tereza. Në këtë 40 vjetor disa nga personalitetet e tjerë që iu akordua ishin Marisa Berenson, Clotilde Coureau, Pamela Anderson, Melissa George, Lola Karimova, David Ginola etj. Dhe, sigurisht në raste të këtij niveli prezantimi, një nga qëllimet kryesore është promovimi i vendit në të gjitha dimensionet. Ndaj falenderoj stilisten Blerina Kllokoqi Rugova per këtë fustan mbrëmjeje të mrekullueshëm”, ka shkruar ajo. /gazetametro.net