Presidenti i ri çek, si ish-zyrtar i lartë i NATO’s, mbështeste krijimin e Ushtrisë së Kosovës

Ish-kryetari i Komitetit Ushtarak të NATO-s, Petr Pavel, tashmë president i zgjedhur i Republikës së Çekisë në balotazhin e zhvilluar ditën e sotme përballë Andrej Babish, kishte mbështetur formimin e Ushtrisë së Kosovës.

---

Derisa po mbahej në Tiranë mbledhja e Komitetit Ushtarak të NATO-s, gjatë një në një konferencë për mediet, Pavel pati thënë se krijimi i ushtrisë së Kosovës është një e drejtë e vendit por duhet të bëhet në përputhje me Kushtetutën dhe ligjet në fuqi.

“Për krijimin e Forcës së Armatosur të Kosovës ende nuk ka një marrëveshje mes Serbisë dhe Kosovës. Krijimi i ushtrisë duhet bërë në përputhje me Kushtetutën dhe ligjet e Kosovës dhe ky është një ndër rekomandimet që ka bërë dhe Sekretari i Përgjithshëm. Ne nuk po themi që Kosova nuk ka të drejtë të ketë ushtrinë e saj por duhet bërë në përputhje me afatet dhe detyrimet kushtetuese”, pati thënë Pavel.

Gjenerali i pensionuar mposhti miliarderin Andrej Babish për President.

Me fletët e votimit nga 97% e pothuajse 15,000 qendrave të votimit të numëruara nga Zyra e Statistikave Çeke, Pavel kishte 57.8% të votave krahasuar me 42.2% për Babish.

Gjithashtu ai mbështeti plotësisht mbështetjen ushtarake dhe humanitare të vendit për Ukrainën në luftën e saj kundër Rusisë dhe e sheh të ardhmen e Republikës Çeke të lidhur me anëtarësimin në Bashkimin Evropian dhe NATO.

Nga Kosova presidentja Vjosa Osmani, me një postim në rrjetin social Twitter, e ka uruar presidentin e sapo zgjedhur të Republikës Çeke, Petr Pavel.

Ajo tha se mezi presin që të bashkëpunojnë me presidentin e ri të shtetit çek.

“Urime General Pavel për zgjedhjen tuaj si President i Republikës Çeke. Mezi pres të punojmë së bashku, duke u bazuar mbi marrëdhëniet tona të shkëlqyera bilaterale, dhe për ta rritur bashkëpunimin në nivele të larta. Ju uroj suksese ndërsa merrni këtë rol të rëndësishëm”, ka shkruar Osmani.

Congratulations @general_pavel on your election as President of the Czech Republic.

Looking forward to working together to build on our excellent bilateral relations and taking the 🇽🇰-🇨🇿 cooperation to new heights.

Wishing you success as you take on this important role.

— Vjosa Osmani (@VjosaOsmaniPRKS) January 28, 2023

Kujtojmë se përderisa shteti çek, udhëhiqte me presidencën e Bashkimit Europian në gjashtë mujorin e dytë të vitit të kaluar, kishin një angazhim të madh që të bënin liberalizmin e vizave për Kosovë, gjë që edhe u arrit nën presidencën e këtij shteti.

Theksojmë se liberalizimi i vizave për Kosovës është i kushtëzuar me hyrjen në fuqi të sistemit ETIAS, i cili pritet të hyjë në fuqi me 1 nëntor të këtij viti.

Por edhe nëse nuk hyn në fuqi ky sistem, Kosovës i mundësohet të lëvizin lirshëm në zonën schengen nga 1 janari i vitit 2024.

Osmani uron presidentin e ri çek: Mezi pres të punojmë së bashku