Policia suspendohen dy zyrtarë të drejtorisë për Krime Ekonomike dhe Korrupsion

Policia e Kosovës ka treguar se ka suspenduar nga puna për 48 orë dy zyrtarë të saj policor, shkruan Gazeta Metro.

Të dy këta të fundit janë suspenduar pasi dyshohet se kanë bërë shkelje të rënda disiplinore, pa përjashtuar edhe shkelje penale.

Masa e tyre është dërguar në Inspektoratin e Policisë së Kosovës.

“Policia e Kosovës njofton se sot më datë 25.07.2019  janë suspenduar përkohësisht nga puna për 48 orë, dy (2) zyrtarë të Drejtorisë për Hetimin e Krimeve Ekonomike dhe Korrupsionit në Policinë e Kosovës. Suspendimi ka ndodhur për shkak të dyshimit të bazuar se të njëjtit kanë kryer shkelje të renda disiplinore, pa përjashtuar edhe shkeljet penale andaj lënda e kompletuar është dërguar në Inspektoriatin Policor të Kosovës”, thuhet në komunikatën e Policisë./gazetametro.net