Policia serbe arrestoi në Preshevë një person për trafikim të emigrantëve nga lindja e mesme

Policia e Kufitare e Serbisë njoftoi se personi me iniciale A.M. 25 vjeç u ndalua në rrethinën e Preshevës pasi po transportonte 46 imigrantë ilegalë nga Pakistani, Iraku, Afganistani e dhe Eritrea, transmeton  Gazeta Metro.

Theksohet se A.M. provoi të arratiset nga vendi i ngjarjes, por policia e zuri dhe e arrestoi. Ai në kamionin ku u gjetën emigrantët ju gjetën edhe tabela false regjistrimi.

Prej imigrantëve ilegal 33 janë nga Pakistani, 7 nga Iraku, 3 nga Eritrea dhe 3 janë nga Afganistani. Të gjithë janë pa dokumentacion të duhur.

Personit të dyshuar ju vendosur masa e paraburgimit 30 ditor nga Gjykata e Vranjës me kërkesë të prokurorisë serbe. Nuk ka detaje të tjera rreth ngjarjes./gazetametro.net