Pochettino për Messin: Nuk është në formë

Mauricio Pochettini është shprehur shumë i lumtur me debutimin e Lionel Messit për skuadrën e tij, por ai ka thënë se argjentinasi është larg formës së tij më të mirë.

Messi debutoi me PSG-në në fitoren ndaj Reims me rezultat 2-0 ku të dy golat i realizoi Kylian Mbappe duke e zëvendësuar Neymarin në minutën e 66 të ndeshjes.

“Ai bëri mirë. Jam shumë i lumtur që debutoi sepse ishte shumë e rëndësishme për të. Ai është shumë larg formës së tij më të mirë, por po stërvitet shumë mirë. Do të kthehet më i përgatitur pas ndeshjeve ndërkombëtare. Presim më të mirën nga ai.”, tha Pochettino.

Leo Messi kaloi në PSG si lojtar i lirë pasi nuk arriti marrëveshje për vazhdimin e kontratës më Barcelonën.