Plus 23 milionë grante investive

Ministria e Bujqësisë Pylltarisë dhe Zhvillimit Rural (MBPZHR) ka ndarë një buxhet prej 23 milionë për grante investive.

Këshilltari në këtë Ministri, Shkëlzen Dragaj, ka deklaruar se përmes Programit për Pagesa Direkte 2016, është ndarë një buxhet prej 23 milionë eurove.

“Në kuadër të programit janë ndarë subvencione për grurë, për farë gruri, për misër, për luledielli, për lopë dhe buallica qumështore, për dele dhe dhi, për qumësht sipas kategorive të cilësisë, për pulari, për bletari, për derrari, për pemishtet ekzistuese, për perimet në fushë të hapur, për therjet e raportuara të gjedhit”, ka thënë ai për gazetënmetro.

Sipas tij, për herrë të parë, sivjet përmes subvencioneve janë mbështetur edhe akuakultura, bujqësia organike, elbi, thekra, aronia, arra, lajthia, si dhe thëllëzat.

Sipas tij, konsolidimi i bujqësisë shpie në insentiva të duhura ekonomike, që t’u atashohemi standardeve të sasisë dhe cilësisë së prodhimeve, nëse është pikësynim që vendin ta integrojmë në BE. Mbështetja institucionale e agrarit është oksigjeni kryesor i zhvillimit të prodhimtarisë bujqësore.