Pjesëmarrja e ulët në zgjedhje, Gjini: Unë mendoj që ata e kanë dërguar një mesazh

Kandidati i Aleancës për kryeministër, Ardian Gjini, ka vlerësuar numrin relativisht të ulët të qytetarëve që dolën për të thënë fjalën e tyre në zgjedhje, transmeton Gazeta Metro. 

Në emisionin “Rubikon” në Klan Kosova, Gjini tha se abstenenca mund të interpretohet si një reagim ndaj ngërçit politik që, sipas tij, e ka përcjellë Kosovën për më shumë se një vit e gjysmë.

“Duhet me e përmend edhe numrin e madh të qytetarëve që nuk kanë votuar. Unë mendoj që ata e kanë dërguar një mesazh dhe mesazhin duhet ta lexojë drejt çdokush, ne po provojmë ta lexojmë sa më drejtë që të jetë e mundshme”, tha ai.

Sipas tij, një pjesë e qytetarëve kanë zgjedhur të mos votojnë si formë proteste ndaj situatës politike dhe mungesës së zhvillimeve në vend./gazetametro.net