Loading…

‘Pishtari i arsimit’ i quan sindikalistët ‘struktura të shtetit të kapur’: Thotë se po e shkatërrojnë arsimin sikur Milosevic

  • 01/10/2022 | 18:49

‘Pishtari i arsimit’ i quan sindikalistët ‘struktura të shtetit të kapur’: Thotë se po e shkatërrojnë arsimin sikur Milosevic

Pas lajmit për ndërprerjen e grevës në arsim, gardiani dhe mbrojtësi deri në vetëmohim i arsimit, Rron Gjinovci, nuk e la pa ia dhënë një rend. Prej struktura të shtetit të kapur e deri te krahasimi me Milosevicin, TV personaliteti Gjinovci s’la gjë pa u thënë sindikalistëve, shkruan Gazeta Metro.


Fillimisht Gjinovci shprehej i ekzaltuar me, siç e quajti ai, dështimin e strukturave të shtetit të kapur për ta sfiduar demokracinë e qeverinë legjitime.

“Dështun strukturat e shtetit të kapun me sfidu demokracinë, qeverinë legjitime dhe rendin tonë shoqnor”, shkroi ai në Facebook.

Nuk u ndal me kaq. Ai pati akuza të rënda për SBAShK’un, duke e quajtur ‘strukturë parapolitike’.

“E ashtuqujtuna “grevë” që në fakt ishte sabotim i shtetit nga e ashtuqujtuna “sindikatë” që në fakt është strukturë parapolitike, dështoi”, tha Gjinovci.

Më tej, ai në mënyrë të çuditshme bëri një ndërlidhje me regjimin e Kasapit të Ballkanit, duke thënë mes rreshtash se edhe ai sikur sindikalistët, dëshironte ta shkatërronte arsimin.

“Ironikisht në ditën kur e përkujtojmë fillimin e rënies së Millosheviqit në Kosovë, i cili po ashtu mundohej ta shkatërronte arsimin në Kosovë.”

Në fund e pati kërkesën e tij të kahmotshme për vetting në arsim e për përjashtim masiv të mësimdhënësve, që sot qenkan struktura të shtetit të kapur, e të cilat njëjtë sikur Slobodan Milosevici dikur, po e shkatërrojnë arsimin në Kosovë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë