Petrovska mohon të jenë arrestuar në Kosovë agjentë të inteligjencës ushtarake maqedonase  

Gjithë këto pretendime të opozitares VMRO-DPMNE, i ka mohuar Ministrja e Mbrojtjes së Maqedonisë së Veriut, Sllavjanka Petrovska. Ajo tha se deklaratat e deputetit të VMRO-DPMNE-së, Dragan Kovaçki, janë dashakeqe dhe të pavërteta.

Ministrja e Mbrojtjes Slavjanka Petrovska para 10 ditësh dërgoi në mision në Kosovë operativë të inteligjencës, por sapo shkelën atje, ata u ndaluan për rrethana të dyshimta, pretendojnë nga partia më e madhe opozitare në Maqedoni, VMRO-DPMNE.  Dragan Kovaçki nga kjo parti akuzon LSDM-në dhe ministren Petrovska se e kanë sjellë shërbimin e sigurimit ushtarak në nivel talljeje.

“Kanë tallur edhe shërbimin ushtarak të sigurisë dhe inteligjencës në Ministrinë e Mbrojtjes. Para 10 ditësh, operativët e inteligjencës ishin dërguar në Kosovë nga ministrja Slavjanka Petrovska, por në të njëjtën ditë ata arritën në Kosovë, ata u ndaluan për shkak të aktiviteteve të dyshimta.  Për 10 ditë Ministria e Mbrojtjes hesht për arrestimin e operativëve të Shërbimit të Sigurisë dhe Informimit Ushtarak në Kosovë. Se çfarë kërkonin oficerët shtesë të inteligjencës në territorin e Kosovës, ku tashmë ekziston misioni i NATO-s dhe pse Slavjanka Petrovska i dërgoi operativët pa amin nga komandanti përgjegjës, mbetet të përgjigjet nga ministrja e Mbrojtjes. As që dua të mendoj se oficerët tanë të inteligjencës u arrestuan sepse u shtirën si oficerë të zbulimit në territorin e huaj”, thotë Kovaçki.

Ndryshe, ai ka shtuar se Slavjanka Petrovska për ta mbuluar paaftësinë, menjëherë pas disa ditësh dërgoi zyrtarë shtesë nga i njëjti shërbim në Kosovë, por kësaj radhe me një njoftim te autoritetet dhe nën petkun se duhet të zhvillojnë bisedime me anëtarët e Kontingjenti maqedonas të cilët janë me mision në Kosovë. “Çështja është e diskutueshme, si çdo gjë tjetër deri tani. Sa për sqarim, shefat përgjegjës të shërbimit ushtarak që e sollën të njëjtin shërbim në nivel talljeje, shpërblehen me paga në valutë prej 3-4 mijë euro në muaj – një nga Radmilla Shekerinska me një mision disavjeçar në OSBE në Vjena, e dyta nga Slavjanka Petrovska dhe nga Stevo Pendarovski në Bruksel”, ka shkruar Kovaçki në Facebook.

Nga ana tjetër, gjithë këto pretendime të opozitares VMRO-DPMNE, i ka mohuar Ministrja e Mbrojtjes, Sllavjanka Petrovska. Ajo tha se deklaratat e deputetit të VMRO-DPMNE-së, Dragan Kovaçki, janë keqdashëse. “Krejtësisht e pasaktë, e pavërtetë dhe fatkeqësisht keqdashëse. Njësitë organizative në Ministrinë e Mbrojtjes dhe më Armatë janë në mbështetje të plotë të pjesëtarëve të Ushtrisë të angazhuar në operacionet ndërkombëtare të paqes. Nuk është hera e parë që ky deputet, ish-pjesëtarë i Armatës të shfaq të pavërteta dhe gënjeshtra dhe të sulmon ish-kolegët e tij”, tha ministrja e Mbrojtjes, Sllavjanka Petrovska.