Përmbledhje: Kthimi i trenit rus të Serbisë nga Policia e Kosovës (Video)
-
15/01/2017 | 10:45
Treni donacion rus për Serbinë, i ngjyrosur me ikona dhe parulla nacionaliste serbe, i nisur të shtunën nga Beogradi për në Kosovë, u ndalua nga policia e Kosovës, që të mos hynte në Mitrovicë.
Institucionet e Kosovës dhanë urdhër që ky tren i cili cënonte sovranitetin dhe kushtetutshmërinë e Republikës së Kosovës, të bllokohej në pikën kufitare Jarinje, dhe aty nga mesdita u shfaqën forca të shumta të policisë së Kosovës, shkruan gazetametro.net.
Duke parë seriozitetin e institucioneve të Kosovës, treni nuk vazhdoi më shumë se sa në Rashkë, ku priti për rreth katër orë, para se të kthehej sërish për Beograd.
Pasagjerët e këtij treni u detyruan që nga Rashka me autobus të vinin në Mitrovicë. Ata nuk i pengoi askush, gjë që tregon se Kosova nuk e kishte problem lirinë e lëvizjes së njerzëve, por trenin provokues. /gazetametro.net
