Përkujtohen 147 të masakruarit e Izbicës

28 marsi i 99’ës është dita kur forcat serbe vranë e masakruan mizorisht 147 persona, që tashmë njihet si masakra e Izbicës.

Ndërkaq, trupat pas masakrës u varrosën nga fshatarët, mirëpo serbët i kishin zhvarrosur ato dhe i kishin dërguar nëpër vende të ndryshme në Kosovë e Serbi, shkruan gazetametro.net.

E sot, përkujtohet kjo masakër në 18 vjetorin e saj, me ç’rast do të bëhet edhe zbulimi i pllakës përkujtimorë të dy viktimave të kësaj masakre, që ishin të mitura: Ardita dhe Edona Behrami.

Zbulimi i pllakës do të bëhet sot, në rrugën që lidh Skënderajn më Klinën, në orën 10:30.

Vlen të theksohet se kjo masakër është e përfshirë në raportin e Departamentit të shtetit amerikan. Aso kohë u publikuan edhe fotografitë ku dukeshin 147 varrezat e reja të atë vend./gazetametro.net