Loading…

Për vitin 2019 qeveria do të ndajë 60 milionë euro për pensione të veteranëve, 2 milionë më shumë se në vitin 2018

  • 26/11/2018 | 23:22

Për vitin 2019 qeveria do të ndajë 60 milionë euro për pensione të veteranëve, 2 milionë më shumë se në vitin 2018

Më shumë se pesë milionë euro është buxheti i ndarë për vitin e ardhshëm, për të kompensuar ish-të burgosurit politikë.

Këtë e ka bërë me dije, Ministri i Punës dhe Mirëqenies Sociale, Skënder Reçica.

Ai ka treguar se gjithë buxheti i vitit 2019 për Ministrinë e Punës dhe Mirëqenies Sociale është 465 milionë euro. Vetëm për pensione të veteraneve do të ndahen 60 milionë, 2 milionë më shumë se vitin 2018.

“Për pensionet e invalidëve të luftës do të ndahen 39 milionë euro”, ka thënë Reçica.

Në Puls të KTV-së, Reçica ka folur edhe për viktimat e dhunës seksuale gjatë luftës së fundit në Kosovë.

“Kanë aplikuar 800 persona, rreth 145 personave u është njohur statusi i viktimave të dhunës seksuale gjatë luftës së fundit”, ka thënë Reçica.

Ministri i Punës ka folur edhe për numrin e madh të vdekjeve në vendin e punës, sidomos në sektorin e ndërtimtarisë.

“Vetëm gjatë muajit nëntor i kemi mbyllur mbi 100 punishte në sektorin e ndërtimtarisë. Kemi rritur numrin e inspektimeve dhe nuk kanë bërë punë. Kemi provuar që me fushata të rrisim vetëdijen”, ka thënë ai. “Vetëm gjatë këtij viti deri më tash kanë vdekur 20 punëtorë, shumica prej tyre në sektorin e ndërtimtarisë”, ka shtuar më pas.

Por deputetja nga Vetëvendosje në Kuvendin e Kosovës, Fatmire Mullhaxha Kollçaku ka shprehur bindjen se shteti nuk po bën asgjë për mbrojtjen e punëtorëve në sektorin privat.

“Shumica janë pa kontrata, kemi numër të madh të punëtorëve që kanë vdekur ne vendin e punës dhe nuk shohim që ndonjë kompani është dënuar”, ka thënë ajo.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë