Për secilën ditë të Haradinajt në burg kafiteria serbe dhuron 500 dinarë

Një kafiteri në Serbi ka nisur një aksion të dhurimit të ndihmave për serbët e Kosovës duke e shfrytëzuar si motiv arrestimin e Ramush Haradinajt në Francë. 

Kafiteria e quajtur ‘Najbolje Kafane’ përmes rrjeteve sociale ka njoftuar se do të dhurojë për organizatën ‘Serbët për serbët’ nga 500 dinarë për secilën ditë sa Haradinaj mbahet në burg, transmeton gazetametro.net.

Haradinaj është arrestuar në Francë bazuar në një fletarrest të Interpolit të lëshuar nga Serbia nën pretendimin se lideri i AAK’së ka kryer krime lufte gjatë viteve 1998-99.

Gjykata franceze po e mbanë Haradinajn në paraburgim, dhe i ka kërkuar Serbisë që të dërgojë kërkesë zyrtare për ekstradimin e tij në Beograd. /gazetametro.net