‘Për pak’: Ky është dallimi i vogël mes lojtarëve të Kosovës dhe Burkina Fasos

Kombëtarja e Kosovës nesër do të luaj kundër Burkina Fasos në stadiumin ‘Fadil Vokrri’ në Prishtinë me fillim nga ora 18:00, ndërsa vlera e lojtarëve të ftuar të Burkina Fasos për ndeshjen kundër Kosovës është rreth pesë milionë euro më e lartë se e ‘Dardanëve’, transmeton Gazeta Metro.

Sipas transfermarkt.com vlera e futbollistëve të Kombëtares së Kosovës të cilët janë ftuar për ndeshjet miqësore të muajit mars është 68.45 milionë euro, ku lojtari me vlerën më të madhe është qendërmbrojtësi i Napolit, Amir Rrahmani i cili ka vlerën 25 milionë euro.

Ndërsa rreth pesë milionë euro më shumë është vlera e futbollistëve të Burkina Fasos, saktësisht vlera e tyre e përbashkët është 73.78 milionë euro, derisa lojtari me vlerën më të madhe është qendërmbrojtësi i Bayer Leverkusen, Edmon Tapsoba i cili vlerësohet 40 milionë euro.

Por, kjo nuk bën probleme për ‘Dardanët’ të cilët shpesh herë kanë ditur të tregojnë rezultate të kënaqshme edhe kundër Kombëtareve që vlerësohen më lartë se ata. /gazetametro.net