Loading…

Për herë të parë në Shqipëri, nëna mbanë në bark fëmijën e vajzës së saj

  • 16/09/2020 | 11:45

Për herë të parë në Shqipëri, nëna mbanë në bark fëmijën e vajzës së saj

Për shkak të disa problemeve shëndetësore në adoleshencë, një vajzë – identiteti i të cilës nuk u zbulua – tregoi në “Opinion” se e kishte të pamundur të bëhej nënë, pavarësisht përpjekjeve të vazhdueshme të saj dhe bashkëshortit. Nisur nga kjo, nëna e saj vendosi që të shërbente si nënë surrogate për fëmijën.


“Që 17 vjeç kuptova që diçka në trupin tim nuk shkonte,” tha ajo duke shtuar se mitra u dëmtua për shkak të ndërhyrjeve të herëpashershme. “Nuk kisha asnjë shpresë”.Në vijim të bisedës, vajza, sot 28 vjeç, tregoi se nuk i intereson aspak fakti që dikush tjetër – në këtë rast nëna – është shtatzënë me fëmijën e saj. “Më mjafton vetëm ta kem në krahë. Nuk ka problem që nuk e kam në bark.”

Vendimi për një nënë surrogate nuk u vendos nga vajza, por nga nëna e saj. Kjo e fundit tregoi se shkoi te gjinekologu me vajzën për një kontroll rutinë.

“Nuk mund t’ja pranoja vetes se ime bijë të mos kishte fëmijë. Vetëm këtë mendoja. I thashë doktorit se kam ardhur për një fëmijë për vajzën. Në atë kohë, ime bijë më tha: ‘Mama, çfarë po flet’. Nuk ishte diskutuar asnjëherë. Më erdhi natyrshëm.”

Ndër të tjera, nëna e vajzës u shpreh se pjesa më e vështirë ka qenë mentaliteti. “E kam përjetuar, por kohëve të fundit kur u zbulua çdo gjë, jam më e lehtësuar. E mora vendimin vetëm për të lumturuar vajzën time,” tha ajo.

Nga çfarë deklaruan në “Opinion”, nënë e bijë i janë nënshtruar fertilizimit in vitro, ku vezët janë mbledhur nga nëna biologjike, janë fekonduar me spermatozoidin e babait dhe janë vendosur në mitrën e nënës surrogate. Nëna surrogate, pra gjyshja, nuk ka lidhje gjenetike me foshnjën sepse nuk është përdorur veza e saj, percjell anabel.

Fëmija pritet të vijë në jetë së shpejti.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë