U gjet në ballkonin e dhomës, Policia jep detaje për 24-vjeçarin që vdiq dje në Pejë
-
23/06/2022 | 11:02
Në qytetin e Pejës një person ka njoftuar Policinë e Kosovës se ka hasur në një person të vdekur, i cili ishte i shtrirë në ballkonin e një dhome, shkruan Gazeta Metro.
Një njësit nga Policia e Kosovës së bashku me ndihmën e shpejtë kanë dalë në vendin e ngjarjes, nga ku aty mjeku përgjegjës ka konstatuar vdekjen e viktimës.
Trupi i pa jetë i viktimës është dërguar në Institutin e Mjekësisë Ligjore për obduksion, ndërsa pas mbledhjes së provave në vendin e ngjarjes, prokurori i rastit do të procedojë për hetim të mëtutjeshme të këtij rasti.
“HETIM I VDEKJES|Pejë 22.06.2022 – 05:30. Ankuesi mashkull kosovar ka raportuar se në ballkonin e një dhome ka vërejtur viktimën mashkull kosovar të shtrirë. Njësitë relevante policore dhe një ekipi i ndihmës së shpejtë ka dalë në vendin e ngjarjes, nga mjeku përgjegjës është konstatuar vdekja e viktimës. Në vendin e ngjarjes janë mbledhur provat që i shërbejnë hetimit të rastit, ndërsa me vendim të prokurorit trupi i pajetë i viktimës është dërguar në IML për obduksion”./gazetametro.net
