Peja protestë për lirimin e Haradinajt (Foto)

Mija qytetarë  janë mbledhur të mërkurën në qytetet e ndryshme të Kosovës për të kërkuar lirimin e liderit të AAK-së, Ramush Haradinaj.

Sekretari organizativ i Aleancës për Ardhmërinë e Kosovës, Ali Berisha  përmes një postimi në rrjetin social facebook bëri të ditur se sot së bashku me qytetarët u  protesua edhe në Pejë për lirimin e liderit të AAK’së Ramush Haradinaj.

”Peja e nderit dhe e lavdisë asnjëherë nuk e harron njeriun që bëri shumë për të, sikur dhe ai, që asnjëherë nuk harron prej nga është nisur”, tha Berisha. Ai falenderoi qytetarët e Dikagjinit për pjesmarrjen e tyre, duke thënë edhe se ” mijëra zemra rrahën sot për Ramushin”.

Protestës së thirrur nga AAK-ja ju kanë bashkangjitur edhe subjekte tjera politike të komuniteteve në Kosovë dhe shoqëria civile e Pejës./gazetametro.net