Loading…

PDK ende nuk ka kandidat për Prishtinën

  • 18/07/2017 | 15:41

PDK ende nuk ka kandidat për Prishtinën

Kryetari i degës së Partisë Demokratike të Kosovës (PDK) për Prishtinë, Lirak Çelaj, ka theksuar se partia e tij ende nuk ka vendosur për emrin e kandidatit për të parin e Prishtinës, në zgjedhjet lokale të 22 tetor. 


Ai në një intervistë për Telegrafin, ka deklaruar se nuk mund të thotë se koalicioni PDK – AAK dhe Nisma (PAN), do të shkojë me kandidat të përbashkët në zgjedhjet lokale të këtij viti.

“Nuk jam ne dijeni që është bërë marrëveshje e tillë, në mes partnerëve të koalicionit. Mendoj që secila komunë i ka specifikat e veta dhe jo gjithmonë koalicionet qendrore kanë reflektuar si ato lokale. Ka ndodhur që koalicioni me partitë që kanë qenë në koalicion në nivelin lokal, derisa në nivelin qendror kanë qenë opozitë”, ka shtuar Çelaj.

Sipas tij, “dega e PDK-së në kryeqytet e ka një qëndrim, e ai është që ta përkrah kryetarin e degës në këtë garë”.

“Mirëpo, niveli qendror e jep vendimin përfundimtar rreth kësaj çështje. PDK po punon në tërë Kosovën në listat për emrat e kandidatëve për kryetar dhe asamblist, që do të prezantohen para qytetarëve në zgjedhje lokale. Listat e kandidatëve do të bëhen publike në fillim të muajit gusht”, ka shtuar Çelaj.

Ai ka theksuar se rritja e intensitetit dhe angazhimit në degën e kryeqytetit, nuk lidhet domosdoshmërisht me atë se ai do të jetë pretendent për të parin e qytetit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë