Loading…

‘Patatja e nxehtë’ për kryeprokurorin në duart e Vjosa Osmanit

  • 05/07/2022 | 23:31

‘Patatja e nxehtë’ për kryeprokurorin në duart e Vjosa Osmanit

Pas përgjigjes së Gjykatës Kushtetuese për çështjen e emërimit të kryeprokurorit, radhën e ka presidentja Osmani që të dekretoj apo jo emrin e propozuar nga KPK-ja për këtë pozitë. Shoqëria civile ende presin që procesi të kthehet në pikën zero.


Të pakënaqur me votimin e Këshillit Prokurorial dy prokuror të cilët kishin pretendime që të merrnin pozitën që Këshilli ia besoj Blerim Isufajt iu drejtuan Gjykatës Kushtetuese.

Shpresa e tyre që ankesa qe tyre do të marrë përgjigje pozitive u mbyll dje.

Gjykata, vendosi që kërkesat përkatëse t’i shpallë të papranueshme mbi baza procedurale, sepse parashtruesit e kërkesave nuk i kanë shteruar mjetet juridike siç parashihet me ligj.

E ky vendim duket se e ka lënë të habitur prokurorin e krimeve ekonomike, Shqipdon Fazliu.

Ai në një përgjigje të shkurt përmes telefonit ka thënë se nuk ka koment për atë çfarë ka thënë Kushtetuesja.

E përgjigja e gjykatës që udhëhiqet nga Genta Cakaj, nuk po shihet si e drejtë nga monitoruesit e sistemit të drejtësisë.

“Kjo gjykatë mezi nuk pret që të merr pretekste të caktuara në mënyrë që t’i shmanget vendimmarrjes meritore. Vendimi i djeshëm e ka ndërruar praktikën e punës së Gjykatës Kushtetuese. Arsyet që dje i ka përmendur dje Kushtetuesja janë jo bindëse”, ka thënë Jeton Hasani, IKD.

Pavarësisht kritikave që ka Shoqëria civile, sidoqoftë këta presin që shpejt të vijë një përgjigje nga Zyra e presidentes Vjosa Osmani për këtë çështje.

“Presidentja është Brenda afatit, mirëpo kjo cështje nuk duhet të tej zgjatet. Presim që shpejt të përfundoj, ne në fakt presim që procesi të kthehet në pikën zero”, është shprehur Hasani.

Ndërkohë zyra e Vjosa Osmanit, kanë zgjedhur që edhe sot të heshtin për këtë çështje.

Nga prilli i këtij viti zyra e prokurorit të shtetit është duke funksionuar me ushtrues detyre. Aleksandër Lumezi për 7 vjet kishte udhëhequr me Prokurorinë e Shtetit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
m[email protected]
Adresa: Rr. Tringë Smajli, Nr. 16
Prishtinë 10000
Kosovë