Loading…

‘Pasoja serioze’: SHBA ashpër paralajmëron Rusinë për një agresion tjetër ndaj Ukrainës

  • 30/11/2021 | 17:30

‘Pasoja serioze’: SHBA ashpër paralajmëron Rusinë për një agresion tjetër ndaj Ukrainës

Sekretari i Shtetit Amerikan, Antony Blinken tërhoqi vërejtjen sot Rusisë që të mos ndërmarrë ndonjë “hap përshkallëzues” ndaj Ukrainës, duke theksuar pasoja serioze pikërisht në suaza të takimit të NATO’s në Riga të Letonisë, transmeton Gazeta Metro.


“Një agresion i ri do të shoqërohej me pasoja serioze” ishte paralajmërimi i Sekretari Amerikan Blinken.

Duke folur me gazetarët përkrah ministrit të jashtëm të Letonisë, Edgars Rinkevics gjatë një vizite në Rigë, Sekretari Blinken tha se Shtetet e Bashkuara janë “shumë të shqetësuara” nga dërgimi i trupave ruse përgjatë kufirit me Ukrainën.

Shqetësimet rreth shtimit të trupave ruse do të diskutohen në takimin dy ditor të ministrave të jashtëm të NATO-s, që zhvillohet të martën dhe të mërkurën në Rigë.

Para takimit të NATO’s, Sekretari i Përgjithshëm i aleancës, Jens Stoltenberg i bëri thirrje Rusisë të ulë tensionet në rajon, duke shtuar paralajmërimin e tij.

“Një sulm i mundshëm i Rusisë kundër Ukrainës, do të kishte një çmim të lartë dhe pasoja politike dhe ekonomike serioze për Rusinë”, tha dje zoti Stoltenberg.

Alarm para takimit të anëtarëve të NATO’s në Riga ka ngritur edhe kryeministri i Polonisë, Mateusz Morawiecki në një intervistë për BBC sot. Ai tha se Rusia ka treguar qartë se ka synim shkatërrimin e sistemit gjeopolitik dhe përçarjen e BE’së.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë