Pas vapës ekstreme, Europa drejt një shtatori me stuhi dhe reshje intensive

Pas një vere me temperatura të larta dhe valë të njëpasnjëshme të të nxehtit, Evropa pritet të hyjë në shtator me kushte më të paqëndrueshme atmosferike, veçanërisht në zonën e Mesdheut, transmeton Gazeta Metro.

Deti Mesdhe, i ngrohur ndjeshëm gjatë muajve të verës, mund të përballet me masa më të ftohta ajrore, duke krijuar kontraste të forta që favorizojnë zhvillimin e reshjeve intensive dhe episodeve të motit ekstrem.

Meteorologët paralajmërojnë se ndikimi i ndryshimeve klimatike mund të bëhet më i dukshëm gjatë vjeshtës, ndërsa temperaturat mund të vijojnë të jenë mbi mesataren sezonale.

Në të njëjtën kohë, forcimi i El Niños pritet të ndikojë në modelet atmosferike globale në muajt e ardhshëm. Shkencëtarët kanë ngritur gjithashtu shqetësimin se 2027 mund të jetë viti më i nxehtë i regjistruar ndonjëherë./gazetametro.net