Partia e Pacollit ankohet se në Drenas po i dëmtohen billbordat

Sipas një kumtese për medie, nga Aleanca Kosova e Re, billbordat e kandidatit të tyre për kryetar të Komunës së Drenasit janë dëmtuar nga disa banditë gjatë orëve të natës.

“Këta njerëz që janë mësuar që me dhunë, shantazhe dhe presione ta orientojnë vullnetin e qytetarëve të Drenasit, duhet ta dinë se tashmë ka ardhur fundi.”, thuhet ndër tjerash.

AKR tutje i garanton qytetarët e Drenasit se nuk ka asnjë forcë e cila mund ta ndalë fitoren dhe zhvillimin ekonomik të Drenasit. AKR’ja është e vendosur që të jetë në krah të qytetarëve, tu shërbejë qytetarëve pa marrë parasysh veprimet e disa banditëve, thuhet në vazhdim.

Partia me në krye Behxhet Pacollin u bën thirrje organeve të rendit, policisë dhe prokurorisë që ti arrestojnë banditët që nëpërmjet akteve të tilla qyqare, po tentojnë ta mbajnë peng të ardhmen e qytetareve te Drenasit./gazetametro.net