Loading…

Paraburgim policit që dyshohet se e vrau kolegun në Zllatar, arrest shtëpiak për pesë të tjerë

  • 20/02/2022 | 19:27

Paraburgim policit që dyshohet se e vrau kolegun në Zllatar, arrest shtëpiak për pesë të tjerë

Gjykata Themelore në Prishtinë ka caktuar masën e paraburgimit në kohëzgjatje prej 30 ditësh për të dyshuarin F.M lidhur me rastin e vrasjes së zyrtarit policor në Zllatar, ndërsa pesë të tjerëve iu është caktuar masa e arrestit shtëpiak.


Lajmin për “Betimi për Drejtësi” e ka konfirmuar zëdhënësja e Gjykatës Themelore në Prishtinë, Mirlinda Gashi.

Ndryshe, të premten mbrëma një zyrtar policor ka humbur jetën si pasojë e plagëve të marra nga arma e zjarrit, teksa ishte në një ndejë bashkë me 15 zyrtarë policorë.

Inspektorati Policor i Kosovës (IPK) kishte njoftuar se lidhur me rastin janë arrestuar gjashtë zyrtarë policorë, prej tyre njëri i akuzuar për veprën penale “Vrasje”, ndërsa pesë të tjerët për “Shkaktim të rrezikut të përgjithshëm” dhe “Përdorimi i armës apo mjetit të rrezikshëm”.

Përmes raportit 24 orësh, policia të dielën bëri të ditur se të gjithë zyrtarët policorë që ishin pjesë në vendin e incidentit, janë suspenduar nga puna. /BetimipërDrejtësi

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë