Pamje të rënda: Dy femra shihen të shtrira në tokë, pasi u goditën nga vetura në Prishtinë

Një aksident trafiku ka ndodhur para pak minutash në rrugën ‘Agim Ramadani’ në kryeqytet, ku vetura ka goditur dy vajza të reja.

Sinjali ka siguruar pamjet nga vendi i ngjarjes, ku shihet se tashmë atje kanë dalë ekipi mjekësor, teksa bëhet e ditur se gjendja e dy vajzave është shumë e rëndë.

Rastin tashmë e ka konfirmuar edhe zëdhënësi i Policisë për Rajonin e Prishtinës Agron Borovci.

“Nga informatat e para bëhet e ditur se në aksident janë përfshirë  një  veturë dhe dy këmbësore,  të cilat kanë pësuar lëndime trupore. Të njëjtave u është ofruar trajtimi i  nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me  rrethanat e këtij aksidenti”, tha Borovci.

Shoferi që ka goditur vajzat me veturën e tipit Audi 80 me targat 01-716-// ka ikur nga vendi i ngjarjes.