Palatova nga Zyra e BE’së: Duam të shohim një udhëheqësi që bën kompromise politike

Eva Palatova, ushtruese e detyrës së shefes së zyrës së Bashkimit Evropian në Kosovë, ka thënë se unioni do që të shohë ‘’kompromise’’ nga skena politike në vend.

Palatova, në deklaratën e saj dhënë për KP, ka thënë se BE’ja, dëshiron udhëheqësit politikë të vendit të bëjnë kompromise në mënyrë që të ketë përparime në integrimin drejt BE’së.

“Ne jemi të bashkuar në diversitet. Të gjitha shtetet anëtare dhe vendet e kontinentit evropian. Dhe mesazhi për Kosovën është: ne duam që ju të jeni pjesë e këtij Bashkimi Evropian. Pra, ne jemi këtu prej shumë vitesh, që nga viti 1999, me mbi 25 vite mbështetje për Kosovën, financiare, politike dhe mbështetje për reforma”.

“Dhe duam që Kosova të vazhdojë në rrugën evropiane. Duam të shohim kompromise këtu, një udhëheqje politike që bën kompromise politike në mënyrë që ju të përparoni në rrugën drejt Bashkimit Evropian”, tha Palatova.