Loading…

Pal Lekaj: “I orkestruar keq, të mbyllet debati për listat e fryra të veteranëve”

  • 24/08/2018 | 11:45

Pal Lekaj: “I orkestruar keq, të mbyllet debati për listat e fryra të veteranëve”

Sipas tij, debati i ditëve të fundit për listat e veteranëve dhe fryrjen apo jo të tyre, më së paku i shkon në favor shoqërisë

Ministri i Infrastrukturës, Pal Lekaj, është përfshirë në debatin për veteranët e rrejshëm. Sipas tij ky është një debat i orkestruar keq dhe nuk duhet të përhapet. Në postimin që Lekaj ka bërë në FB ka lavdëruar shefin e partisë së tij, Ramush Haradinajn, për kontributin që ka dhënë gjatë luftës.
Lekaj ka shkruar se është për të ardhur keq që po kalojmë këtë periudhë, përmes së cilës sipas tij po tentohet t’i hidhet hije e zezë epokës së lavdishme që solli çlirimin e vendit, aq më tepër kur këto përpjekje për njollosje të atyre që dolën në mbrojtje të atdheut po bëhen për interesa personale.

Lekaj në rrjetin social Facebook shkruan se Ramush Haradinaj, si njëri nga komandantët më të shquar të luftës së UÇK-së, natyrshëm e ka të drejtën që të ngritë zërin, në mbrojtje të vlerave të bashkëluftëtarëve të tij.

“Kryeministri sakrifikoi shumë për këtë vend. Me vete bartë plagët e luftës dhe të dhembjes së humbjes së familjarëve për tokën e shenjtë të Kosovës. Prandaj askush më shumë se ai nuk do të dëshironte që meritorët, tashmë 20 vjet pas luftës, të marrin trajtim të dinjitetshëm institucional”, shkruan Lekaj.

Sipas tij, debati i ditëve të fundit për listat e veteranëve dhe fryrjen apo jo të tyre, më së paku i shkon në favor shoqërisë.

“Kosova, siç e dimë të gjithë, gjendet në momentet më vendimtare për të dhe ky debat i orkestruar për të keq, nuk do të duhej të lejohet që të përhapet. Nga kjo situatë nuk do të përfitojë askush, por do të humbë më së shumti vendi ynë”, shkruan Lekaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë