Pak relaks: Veseli i mahnitur me bukuritë e Alpeve Shqiptare, fton qytetarët që ti vizitojnë

Kryetarin e PDK’së, Kadri Veselin jo shpesh e shohim të shëtis nëpër bjeshkët shqiptare, por sot ai paska gjetur kohë për pak relaks, teksa ka vizituar Alpet Shqiptare, ka mbetur i mahnitur me bukurin e tyre, transmeton Gazeta Metro.

Veseli përmes facebook ka ftuar edhe bashkatdhetarët që përveç bregdetit, të mos lënë pa shijuar edhe alpet e mrekullueshme shqiptare.

Veseli ka bërë të ditur se do të merr pjesë në festën ‘Mirësevini në Alpet Shqiptare’ që do të mbahet në Guci, ku ka mbetur i mahnitur me bukurit përrallore të Alpeve Shqiptare.

”Vendosa të shkoj në festën “Mirësevini në Alpet Shqiptare” që zhvillohet nesër në Guci, pikërisht duke udhëtuar nëpër alpet përrallore shqiptare. Pak më herët mbërrita në Vuthaj, duke kapërcyer Qafën e Borit, pasi u nisëm prej Çeremit të Tropojës. Përveç hijeshisë së rrallë të këtyre bjeshkëve, ajo që e bënte edhe më të bukur këtë rrugëtim të sotshëm ishte bujaria e malësorëve zemërgjerë të cilët nuk na linin ta vazhdonim rrugën pa u ndalur nëpër stanet e tyre për të provuar pak nga kosi, qumështi e djathi i tyre. Ftoj bashkatdhetarët e diasporës që kthehen në pushimet e verës, që përveç bregdetit shqiptar, të mos lënë pa shijuar alpet e mrekullueshme shqiptare”. ka shkruar Veseli/gazetametro.net