Loading…

Pacolli ngatërron Bushët, mërzitet për Bushin e gjallë

  • 02/12/2018 | 11:49

Pacolli ngatërron Bushët, mërzitet për Bushin e gjallë

Deputeti i Kuvendit të Kosovës, Islam Pacolli, nga radhët e Aleancës Kosova e Re (AKR), ka ngatërruar George W Bushin e ri me babain e tij George H.W Bush i cili ka ndërruar jetë sot.

Përmes një postimi në llogarinë e tij, Pacolli kishte shprehur ngushëllime për vdekjen e Bushit, në gjuhën angleze, mirëpo kishte ngatërruar atë me Bushin e ri.

Në fillim postimi të tij, Pacolli kishte shkruar se “Lajmin për vdekjen e ish-Presidentit të Shteteve të Bashkuara, George W. Bush e pranova me dhembje…”, kishte shkruar Pacolli.


“Lajmin për vdekjen e ish-Presidentit të Shteteve të Bashkuara Xhorxh W. Bush e pranova me dhembje, shqiptarë do të jenë mirënjohës për mbështetjen e tij të madhe, për demokracinë në Shqipëri, si dhe për sigurinë dhe lirinë e popullit në Kosovë, për humbjen e një miku të vërtetë dhe të madh të shqiptarëve, i shprehi ngushëllimet e mia të sinqerta familjes së ish-Presidentit Bush dhe popullit amerikan”, ka shkruar Pacolli.

George H.W Bush i cili ka qenë president i ShBA-së, nga viti 1989 deri në vitin 1993 dhe ka ndërruar jetë sot në moshën 94-vjeçare.

Në zgjedhjet e vitit 1993 humbi kundër Bill Klintonit. Por familja e tij u rikthye në krye të vendit menjëherë pas largimit të Klintonëve. Nga viti 2001 e deri në vitin 2009, SHBA-të u udhëhoqën nga djali i tij, George W. Bush.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë