Pacolli livdohet me ‘pelqimet’ që mori në Facebook për ditëlindje

Ministri i Jashtëm në detyrë, Behgjet Pacolli, siç duket po krenohet me pelqimet që ka marrë në foton e ditëlindjes në Facebook, e që janë plotë 17.000, shkruan Gazeta Metro.

Përmes një postimi në Facebook, ai thotë se është për t’u admiruar, se si aq shumë persona ia uruan ditëlindjen.

Ai është përkujdesur që të tregojë edhe numrin e saktë të tyre.

“Është për të admiruar bashkatdhetarët e mi, me sa shumë dashuri dhe dashamirësi më uruan ditëlindjen. Janë mbi 300 telegrame të shkruara, mbi 40 000 urime përmes Facebook, mbi 7000 urime (në postimin tim me mbi 17 000 pëlqime deri tani)”, ka shkruar Pacolli në Facebook.

Në fund, ai ka falenderuar të gjithë, ndërsa ka thënë se ‘kjo është shumë e rëndësishme për të’.

Ndryshe, dy ditë më parë, Pacolli ka mbushur 68 vjet./gazetametro.net