Osmani: Filozofia jonë nuk na lejon të protestojmë

Me 29 shtator do të mbahet protesta e organizuar nga Vetëvendosje kundër idesë së Thaçit për ‘korrigjim’ të kufijve.

Për këtë protestë ishte e ftuar edhe Lidhja Demokratike e Kosovës, transmeton gazetametro.net

Mirëpo, ata si duket nuk do të jenë pjesë e kësaj proteste, me përjashtim të disa anëtarëve të saj.

Në një prononcim për mediat, Naser Osmani i LDK’së ka dhënë arsyen pse kjo parti nuk do të marrë pjesë në protestën që do të mbahet të shtunën.

Ai ka thënë se duhet t’i shterrim të gjitha rrugët tjera demokratike, dhe derisa këto nuk shterren, dalja në rrugë nuk është prej filozofisë politike të LDK’së.

“Derisa nuk i kemi shtjerr të gjitha mundësitë demokratike, për ne të gjitha format tjera janë të papranueshme për shkak të filozofive tona politike”, ka theksuar Osmani.

“Ne do të mundohemi që të sigurojmë votën e mjaftueshme për të ngritur mocionin e rrëzimit të qeverisë në formën demokratike. Nuk është rruga zgjidhje derisa ekzistojnë format tjera demokratike”, ka thënë tutje Osmani. /gazetametro.net