Ofendoi personat që kanë probleme me shikim: Deputeti i Vetëvendosjes kërkon falje

Deputeti i VV’së Dimal Basha, ka bërë një krahasim tepër të ulët derisa po sulmonte deputetët e opozitës, në seancën e jashtëzakonshme që po mbahet kundër shtrenjtimit të rrymës, shkruan Gazeta Metro.

Kjo deklaratë e tij, është shoqëruar me kritika të shumta, prandaj Basha ka kërkuar falje publike. Deklaratën e bërë në Kuvendin e Kosovës, deputeti e ka quajtur “lapsus”.

Reagimi i tij i plotë:

Sapo kuptova për reagimin ndaj një lapsusi në fjalimin tim sot.

Ka qenë lapsus lingua e momentit. Pajtoj që është absolutisht e gabueshme dhe prandaj kërkoj falje publike, edhe pse qëllimi im nuk ka qenë ofendimi ndaj askujt./gazetametro.net