Loading…

OBSH’ja: E tërë bota duhet të vaksinohet për t’i ndalur variantet e virusit

  • 23/10/2021 | 15:30

OBSH’ja: E tërë bota duhet të vaksinohet për t’i ndalur variantet e virusit

Organizata Botërore e Shëndetësisë tha të shtunën se e tërë bota duhet të vaksinohet për ta ndalur zhvillimin e varianteve të reja të Covidit.

Në një intervistë për “Times Radio”, zëdhënësja e OBSh-së, Margaret Harris, tha: “Ajo që vërtet do të ketë një efekt në përhapje për të gjithë ne është që të sigurohemi që të ketë sa më pak virus në qarkullim përreth botës. Grupet me prioritetin më të lartë janë ato që ekspozohen ndaj virusit tërë kohën, punëtorët shëndetësorë, por prapë vetëm një në dhjetë persona është i vaksinuar në Afrikë tash për tash.”

“Jemi në pozitë të keqe në një pjesë të madhe të botës, do të shohim më shumë variante duke u zhvilluar, do të shohim më shumë përhapje dhe edhe nëse në mënyrë magjike vaksina do të mbronte një popullsi me aq efikasitet sa kemi shpresuar, atëherë një variant mund të zhvillohet dhe ta zhbëjë tërë atë punë”, shtoi Harris.

Megjithatë, ajo paralajmëroi se vetëm vaksinat nuk do të mund ta nxjerrin botën nga pandemia, shkruan The Guardian.

“Problemi është te përqendrimi në një gjë. Vaksina nuk do të na nxjerr nga kjo. Ne vërtet duhet të marrim masa të tjera. Duhet të jemi seriozë për të mos u bërë turmë. Ende duhet ta shikojmë përdorimin e maskave, sidomos kur jemi në mjedis të brendshëm”, tha zëdhënësja e OBSh-së.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë