OBSH thotë se vaksinimi i 20 % të Amerikës Jugore do të kushtojë mbi 2 miliardë dollarë

Vaksinimi i 20 % të popullatës së Amerikës Jugore dhe Karaibeve kundër Covid-19 do të kushtojë më shumë se 2 miliardë por shtetet me të hyra të pakta do të ndihmohen nga qendra COVAX e udhëhequr nga Organizata Botërore e Shëndetësisë ka njoftuar dega rajonale e organizatës të mërkurën, transmeton Gazeta Metro.

Sipas Organizatës Pan Amerikane të Shëndetësisë (PAHO), COVAX ka synim të dërgoj së paku 2 miliardë doza të vaksinës Covid-19 deri në fund të vitit 2021.

“Kjo është një shifër mbresëlënëse. Por ne po ashtu e dimë se kjo nuk do të jetë e mjaftueshme për t’i vaksinuar të gjithë, së paku jo në fillim,” tha asistenti i Drejtorit të PAHO, Jarbas Barbosa.

Deri tani 28 shtete me vet financim kanë nënshkruar marrëveshje me qendrën COVAX, dhe 10 të tjera kanë të drejtën e mbështetjes sipas angazhimit të COVAX për treg të avancuar.

PAHO dhe UNICEF javën e kaluar kanë nisur procesin e prokurimit duke ftuar prodhuesit e vaksinës së Covid-19 të bëhen furnitor për 186 shtetet që i janë bashkuar COVAX./gazetametro.net