Nutella ‘fluturon’ në hapësirë: Bëhet pjesë e misionit të NASA-s

Gjatë misionit Artemis II, katër astronautë të NASA arritën një sukses të jashtëzakonshëm, duke u bërë njerëzit që kanë udhëtuar më larg nga Toka në historinë moderne të eksplorimit hapësinor, transmeton Gazeta Metro.

Megjithatë, përveç këtij momenti historik, një detaj i papritur tërhoqi vëmendjen e publikut në rrjetet sociale. Një kavanoz me Nutella u pa duke lundruar në kabinën e anijes, vetëm pak minuta përpara se ekuipazhi të thyente rekordin.

Pamjet u përhapën me shpejtësi në internet, ku përdorues të shumtë reaguan me humor, duke sugjeruar se pikërisht Nutella kishte “vendosur rekord botëror” si ushqimi që ka udhëtuar më larg nga planeti Tokë. Disa të tjerë ngritën dyshime, duke e cilësuar situatën si një formë të fshehtë promovimi për kompaninë Ferrero, prodhuesen e këtij produkti.

Në përgjigje të këtyre pretendimeve, NASA reagoi duke sqaruar se nuk ekziston asnjë marrëveshje sponsorizimi apo reklamimi, duke theksuar se përzgjedhja e ushqimeve gjatë misioneve hapësinore bëhet nga vetë astronautët dhe jo nga kompani të jashtme./gazetametro.net

Nutella just hit a world record flying as far away from Earth as nobody else did before 👩🏼‍🚀🌓 pic.twitter.com/046pkMYezH

— Tobi Mülhauser 🍕 (@iamtobi) April 6, 2026