Loading…

Njeriu i Kurtit e quan Skënder Hysenin “krijesë”, ia fali Malit të Zi 8200 hektarë

  • 01/06/2021 | 17:58

Njeriu i Kurtit e quan Skënder Hysenin “krijesë”, ia fali Malit të Zi 8200 hektarë

Deklaratat e Skënder Hysenit në drejtim të kryeministrit Kurti për “Asociacionin e Komunave me shumicë serbe” duket se nuk i kanë pëlqyer fare Driton Talit, ish këshilltarit politik të tij.


Kurti më herët gjatë ditës mohoi se do të kishte “Asociacion njëetnik”, e të cilin e quante “Zajednicë” gjatë kohës sa ishte opozitar.

Skënder Hyseni, ish ministri i Punëve të Jashtme dhe kryesues i delegacionit të Kosovës, ndër tjerash ka shkruar në Facebook që Kurti e di se Asociacioni i ratifikuar në Kuvend nuk është “njëetnik” dhe se shpreonte që fjalët e tij ai t’ia kishte thënë edhe Lajçakut e Palmerit, përcjell Periskopi.

“Ça m’i thonë k’saj krijese?!!!” – ka thënë z. Tali në postimin e tij të papranueshëm në Facebook.

Ai bën përgjegjës më tej Skënder Hysenin për faljen e 8200 hektarëve për Malin e Zi, megjithëse as Qeveria e Kurtit nuk ka bërë asgjë deri tash për ta funksionalizuar komisionin për korrigjimin e shenjimit të kufirit me këtë shtet.

Po ashtu, Tali konsideron që Hyseni ka qenë “sundimtar” i 20 viteve të fundit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]t
Adresa: Rr. Tringë Smajli, Nr. 16
Prishtinë 10000
Kosovë