Loading…

Një vit nga vrasja ‘mister’ e tre personave në Gllogjan, nga Prokuroria thonë se ende po hetohet

  • 26/11/2022 | 13:19

Një vit nga vrasja ‘mister’ e tre personave në Gllogjan, nga Prokuroria thonë se ende po hetohet

Në nëntor të vitit të kaluar opinioni publik në vend u trondit nga një vrasje e trefishtë që kishte ndodhur në fshatin Gllogjan të Deçanit. Ku në sulmin ndaj një autobusi që brenda kishte dhe fëmijë, kishte mbetur i vrarë shoferi dhe dy nxënës të tjerë., shkruan Gazeta Metro.


Një vit pas kësaj ngjarje, për Metro ka folur Shkodran Nikçi nga prokuroria e Pejës, ku tha se intensivisht po punohet në hetimet e këtij rasti.

“Lidhur me çështjen penale për të cilën keni parashtruar pyetje, ju njoftojmë se jemi në fazën intensive të veprimeve hetimore. Andaj duke mos e cenuar procesin hetimor, nuk mund të japim me shumë informata”, ka thënë Nikçi për Metron.

Kujtojmë se në mbrëmjen e 26 nëntorit të vitit të kaluar një autobus i cili po barte fëmijë të shkollave të msme, u qëllua me breshëri të plumbave, ku si pasojë e kësaj, kishin mbetur të vdekur shoferi i automjetit si dhe dy nxënës.

Më 11 dhjetor në lidhje me këtë rast u arrestuan tre persona. Ndërsa me 10 shkurt 2022 ishte arrestuar edhe i dyshuari i katërt.

Disa nga të dyshuarit në këtë rast kanë qëndruar në paraburgim dhe arrest shëpiak, dhe rasti është duke u trajtuar nga institucionet e drejtësisë në Pejë./gazetametro.net 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë