Një gol dhe dy asistime, Zhegrova vlerësohet me notën më të lartë në ndeshje
-
04/02/2023 | 23:42
Anësori i Kombëtares së Kosovës, Edon Zhegrova, ka bërë një paraqitje të shkëlqyeshme sonte për Lille në ndeshjen kundër Rennes. Ai realizoi një gol dhe asistoi në dy të tjerë në fitoren me rezultat 1-3, transmeton Gazeta Metro.
Ueb-sajti i njohur ‘SofaScore’ e ka vlerësuar me notën më të lartë në këtë ballafaqim (8.2) futbollistin kosovar.
Ai përveç golit dhe dy asistimeve, bëri 33 pasime, katër pasime kyçe, gjashtë harkime (2 herë i saktë) dhe krijoi një mundësi të mirë.
Deri para kësaj ndeshje 23-vjeçari nuk kishte shënuar apo asistuar në 11 ndeshjet e tij në Superligën e Francës.
Ndryshe, Lille pas kësaj fitoreje arrin në kuotën e 38 pikëve dhe gjendet në pozitën e gjashtë në renditjen tabelore, ku ka dy pikë më pak se Rennes e vendit të pestë./gazetametro.net
Nata e Edon Zhegrovës: Ylli i Kosovës shkëlqeu sonte në Francë, paraqitje për t’u duartrokitur
