Loading…

Ngritet aktakuzë ndaj Ikballe Hudutit: Kërkoi hakmarrje ndaj Amerikës për vrasjen e Qassem Soleimanit

  • 30/09/2020 | 17:25

Ngritet aktakuzë ndaj Ikballe Hudutit: Kërkoi hakmarrje ndaj Amerikës për vrasjen e Qassem Soleimanit

Ikballe Berisha-Huduti, kërkoi hakmarrja ndaj Shteteve të Bashkuara të Amerikës pas vrasjes së gjeneralit iranian, Qassem Solejmani, duke kryer me këtë rast vepër penale “Shtytje për kryerjen e veprave terroriste”, shkruan Gazeta Metro.


Për këtë thirrje, Berisha-Huduti tani do ballafaqohet seriozisht me autoritet e drejtësisë, ku sot Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamenti Speciale, për shkak të veprës penale “Shtytja për kryerjen e veprave terroriste”, nga neni 134 të KPRK-së.

Në njoftim thuhet se e pandehura I.H., më 04.01.2020, përmes rrjetit social “Facebook” në llogarinë në emër të saj, me paramendim dhe me dashje ka postuar thirrje me përmbajtje kërcënuese duke bërë nxitje për hakmarrje pas vrasjes nga ushtria Amerikane të Qassem Solejmani, gjeneral dhe udhëheqës i gardës revolucionare të Iranit dhe Gjeneral Ebu Mehdi Muhendisi, në atë mënyrë që ka postuar tekstin si në vijim:

“Populli Irakian doli në rrugët e Irakut menjëherë pas krimit amerikan, për të dënuar ashpër padrejtësinë që iu bë dy figurave eminente në Irak e Iran dy gjeneralëve të tyre Gjeneral Sulejmani dhe Gjeneral Ebu Mehdi Muhendisi. Zoti i dhashtë durimin ngase të mbysësh zotin e shtëpisë i ke mbytë tërë anëtarët e shtëpisë, e pastaj hakmarrja është obligim por nuk ka kufi”, dhe në këtë mënyrë ka shkaktuar rrezikun që një ose më shumë vepra të këtilla të kryhen.//gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë