Loading…

Ngjarje tragjike në Itali: 34-vjeçari vret dy vëllezërit e mitur dhe gjyshin e tyre

  • 13/06/2021 | 23:04

Ngjarje tragjike në Itali: 34-vjeçari vret dy vëllezërit e mitur dhe gjyshin e tyre

Një ngjarje tragjike ka ndodhur këtë të diel në Ardea, pranë Romës, ku dy vëllezër të mitur, të moshës 5 dhe 10 vjeç, si dhe një i moshuar 84-vjeçar, janë vrarë me armë zjarri.


Sipas mediave italiane, autori i ngjarjes tragjike është Andrea Pignani, 35 vjeç, i cili pas krimit u izolua në shtëpi dhe pas disa orësh vrau veten.

“Mjekët bënë të pamundurën për t’u ardhur në ndihmë fëmijëve. I pari që ndërroi jetë ishte 5-vjeçari, ndërsa më pas humbi jetën edhe vëllai i tij”, u shpreh Alessio D’Amato, një zyrtar i autoriteteve lokale shëndetësore. “Jam thellësisht i tronditur nga ajo që ndodhi dhe i shpreh ngushëllimet e sinqerta familjes dhe komunitetit në Ardea, të cilët sot janë në zi”, shtoi ai.

Kryetari i bashkisë së Ardea, Mario Savarese, tha se tragjedia ndodhi për arsye banale. “Të dy fëmijët, gjatë të shtënave, ishin duke luajtur para shtëpisë, ndërsa i moshuari, gjyshi i fëmijëve, ishte duke lëvizur me biçikletë. Autori është një person që ka shfaqur probleme mendore herë pas here, si dhe sjellje agresive”, tha Savarese.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë