Ngjarje e rëndë: Humb jetën një roje e pyllit në Prizren, po mundohej ta shuante zjarrin

Një ngjarje tragjike ka ndodhur sot në fshatin Strugjë të Prizrenit, një person ka humbur jetën gjatë orarit të punës.

Rreth orës 14:30 ka ndodhur një ngjarje tragjike në Prizren, një roje e pyllit ka humbur jetën duke tentuar që ta shuaj zjarrin që kishte kapluar malin, njofton gazetametro.net.

Shuarja e zjarrit ka qenë fatale për viktimën, ai ka hasur në një kabllo elektrike deri sa po mundohej që së bashku me kolegun e tij të punës të shuanin zjarrin dhe mos të përhapej.

Rastin për Metron e ka konfirmuar përmes telefonit zëdhënësi i Policisë së rajonit të Prizrenit, Vesel Gashi.

“Fillimisht rasti është lajmëruar në polici rreth orës 14:30 se në fshatin Strugjë ka ndodhur një vdekje, policia ka dalur menjëherë në vendin e ngjarjes, ku më pas edhe mjeku ka konstatuar vdekjen e rojës së pyellit. Dyshimet e para janë se roja në tentim te shuarjes së zjarrit ka hasur në kabllot e rrymës dhe si pasojë e kësaj ka humbur jetën”, tha Gashi për Metron.

Gashi ka thënë se hetimet tani janë duke u bërë nga ekipet e Fronzikës, KEDS-it, dhe përfaqësuesve të pyjeve, ndërkaq trupi i pajetë është dërguar në obduksion./gazetametro.net